අතිගරු ඇස් ඩබ්ලිව් ආර් ඩී බණ්ඩාරනායක ශ්‍රීමතාණන්ගේ නාමයට උපහාරයක් ලෙස රචනා කොට ඇති චරිතයක් නැති නායකයෝ කෘතිය ඇම් සී සොයිසා මහතාගේ රචනයකි .1963 ජනවාරි මාසයෙහි මෙම කෘතියෙහි පළමු මුද්‍රණය සිදු වී ඇත. "බන්ධනාගාරයේ වටා නවකතාවක් මෙතෙක් ලියැවී ඇත්දැයි මම නොදනිමි.මෙවැනි කතාවක් ගෙතීමට මා ඇදී ගියේ "මලියි මමයි" නම් කතාව ලිවීමේදී බන්ධනාගාරයේ හත් අවුරුද්දක් ගත කළ හැටි කියන්නට සිදු වීමෙනි .එහි ප්‍රතිඵලයක් වශයෙන් චරිතයක් නැති නායකයෝ නම් එම කෘතිය බිහි වේ " කෘතියෙහි පෙරවදනේ දී ඉහත පරිදි කතුවරයා දක්වා ඇත්තේ මෙය බන්ධනාගාරයක් වටා ගෙතෙන කතාවක් බවයි.ඒ අනුව සමකාලීන ව පැවැති කතා තේමාවන් වලට වෙනස්ව යමින් නව වින්දනාත්මක මගකට සිංහල සාහිත්‍ය ක්‍රමය යොමු කරමින් මෙම කතාව ඉදිරිපත් වී තිබේ. "මෙතෙක් මා සිතා සිටියේ උපත සිට විපත දක්වා කෙනෙකුට ඔහුගේ සිතැඟි පරිදි ක්‍රියාකළ හැකි බවයි .ඒ සිතුම් පැතුම් නීතිය මගින් බොරු කර ඇත. මේ ශරීරයේ මගේ යැයි මා මෙතෙක් සිතා සිටි නමුත් රජයට අයිති බව මා දැනගත්තේ අදයි ....යනුවෙන් එක්තරා වෙසඟන ක ඇයට උසාවිය මගින් සිර දඬුවමින් පසු එම උසාවි යෙදීම කියූ බව අසා ඇති කට කතාව...

  "උසින් නාමින් සිටියේ නිල් පැහැති චීත්තයක් තන පට බැඳගෙනය . තරුණයා වරක් ඇගේ ලැම පාර්ශ්වය දෙසත් වරක් ඇගේ මුහුණ දෙසත් දැඩි ලෝභයෙන් බලන්නට වන .ඇගේ අත් පා පමණක් නොව නියපොතු පවා දිලිසෙන ස්වභාවයකින් යුක්තය.මෙබඳු අංග ලක්ෂණ ඇති වන්නේ රාජ මෙහෙ සේනට යන පුරාණ පණ්ඩිත මතය බොරුවක් බවට මේ දාසිය සාක්ෂියක්  නොවේදැයි ඔහු ට සිහිවිය.සුසී තවත් වතුර කළ ගෙඩි තුන හතරක් නං එතෙකින් නෑම අවසන් කොට ආතර් උන් තැන ගලක් මතුයෙහි තබා තිබූ තම රෙදි හැටත් රැගෙන මදක් ඈතට ගොස් වහ වහා ඒවා ඇද ගත්තාය .ඇය ලහිලහියේ කලබලයෙන් රෙදි හැට්ට අර ගනිද්දී ඒ සමග තිබූ දම්වැල් පට ගල උඩ වැටී තිබිණ ." ටී ධර්මබන්ධු මහතා විසින් 1964 අප්‍රේල් මාසයේ රචනා කරන ලද ඉර සේවය කෘතියෙහි එන කොටසක් ඉහතින් දක්වා තිබේ.සමකාලීන සමාජ ලක්ෂණ ආශ්‍රය කර කර ගනිමින් වඩාත් සාර්ථක ලෙස ම රචනා කොට ඇති කෘතියක් ලෙස ඉර සේවය කෘතිය පෙන්වා දිය හැක.ඉංග්‍රීසි භාෂාව හා මුසුවූ සිංහල භාෂාවෙහි ලක්ෂණ ද මෙම කෘතිය තුළ නොඅඩුව දක්නට ලැබේ.සිංහල මධ්‍යම පාන්තික ලෝකය පිළිබඳව මෙන්ම ගැමි බව ආශ්‍රය කරගත් සමාජ වටපිටාවන් හි විවිධ වූ සංසිද්දී මෙන්ම මිනිසුන්ගේ සිතුම් පැතුම් අත්දැකීම් සහ ඔවුන...